Buǵan deıin shekti baǵalardyń merzimi 1 qańtarǵa deıin bolǵan.
Básekelestikti qorǵaý agenttigi suıytylǵan gazdyń baǵasyn memlekettik retteý sharalary taǵy jarty jylǵa uzartylǵanyn málimdedi, dep habarlaıdy Almaty-akshamy.kz
29 jeltoqsanda kúshine engen buıryqqa sáıkes, avtogaz quıý stansıalarynda suıytylǵan munaı gazyn bólshek saýdada ótkizýge baǵa jaǵynan ýaqytsha memlekettik retteý 2023 jyldyń 30 maýsymyna deıin uzartylady.
Memlekettik retteý aıasynda respýblıkadaǵy avtogaz quıý stansıalarynda suıytylǵan munaı gazynyń bólshek saýdasy lıtri úshin 50-75 teńge quraıdy.
Shekti baǵa árbir aımaqta ártúrli:
Astanada – lıtrine 70 teńge;
Almatyda – lıtrine 65 teńge;
Aqtóbe, Atyraý men Mańǵystaý oblystarynda - lıtrine 50-55 teńge;
Aqmola, Almaty, Qostanaı, Qaraǵandy, Pavlodar, Soltústik Qazaqstan, Jetisý men Ulytaý oblystarynda – lıtrine 70-75 teńge;
Shyǵys Qazaqstan, Batys Qazaqstan, Qyzylorda, Túrkistan men Abaı oblystarynda – lıtrine 60-65 teńge.