Olarmen birge kóp balaly polıseılerdiń de balalary bardy.
Almaty qalasy PD qaza tapqan jáne kóp balaly polısıa qyzmetkerleriniń balalaryn sırkke apardy, dep habarlaıdy Almaty-akshamy.kz Polisia.kz-ke silteme jasap.
Jańajyldyq qoıylym dástúrli túrde áserli formatta ótti. Bárinen buryn merekege balalar qatty qýandy.
«Almaty polısıasynyń basshylyǵy men jeke quramy qyzmettik mindetterin oryndaý kezinde qaza tapqan polısıa qyzmetkerleriniń otbasylaryna turaqty negizde qoldaý kórsetedi. Múmkindiginshe balalarǵa ǵajaıypty, ertegini sezindirýge tyrysamyz. Óıtkeni áke qamqorlyǵynsyz, qoldaýynsyz olarǵa ońaı emes. Búgingi tańda múgedekterge jáne qaıtys bolǵan tártip saqshylarynyń otbasylaryna kómek kórsetý ortalyǵynyń qamqorlyǵynda 46 otbasy bar, olarda 63 bala tárbıelenip jatyr. Sondaı-aq qazir ishki ister organdarynda qyzmet atqaryp júrgen qyzmetkerlerdiń 48 erekshe balasyna kómek kórsetip jatyrmyz», – deıdi Almaty qalalyq polısıa departamenti bastyǵynyń orynbasary Oljas Myrzabekov.
Sonymen qatar jańajyldyq shoýǵa Almaty polısıasynyń kóp balaly otbasylarynyń balalary qatysty. Aıaz ata men Aqshaqardyń qoıylymyn tamashalaǵan kishkentaı kórermender tátti syılyqtarǵa ıe boldy.
