Almatyda «Naýryz: dástúr jáne jańǵyrý» atty kórme men ǵylymı-tájirıbelik konferensıa ótti
Jıynǵa kelgen baıandamashylar Naýryz meıramynyń shyǵý tarıhyn tilge tıek etti, dep habarlaıdy Almaty-akshamy.kz
Al kórmede qazaq halqynyń dástúrli turmys-salty, Naýryz merekesiniń toılanýy beınelengen fotosýretter el nazaryna usynyldy. İs-shara barysynda qonaqtarǵa naýryzkóje taratylyp, zergerler sheberlik saǵatyn ótkizdi.
«Negizinen, endi jyl bastaldy deýge bolady. Jıynda stýdentterge Naýryzdyń qalaı bastalatyny, onyń qandaı salt-dástúrleri bar ekeni týraly óte jaqsy maǵlumattar berdi. Naýryz aıynda úlken tushshymdy jaqsy konferensıa ótti», - dedi Almaty qalasy mýzeıiniń jetekshisi Baqbergen Taıshıev.
«Qazaqtyń dástúrli rýhanı, materıaldyq mádenıetine tek tarıhı turǵydan qaramaımyz. Ony búgingi jastarymyzǵa osy úlken sabaq, úlgi retinde qarastyramyz», - deıdi ál-Farabı atyndaǵy Qazaq ulttyq ýnıversıteti arheologıa jáne etnologıa kafedrasynyń profesory Ábdesh Tóleýbaev.