Bul týraly «Ádilet» qoǵamdyq birlestiginiń tóraǵasy Erlan Tompıev aıtty.
Elimizde tutynýshylardyń 65,9%-y zańdy bilgenimen, tek 21%-y ǵana óz quqyǵyn qorǵaı alady, dep habarlaıdy Almaty-akshamy.kz
«Ádilet» qoǵamdyq birlestigi byltyr tutynýshylardyń quqyǵyn qorǵaý máseleleri boıynsha Qazaqstannyń 17 óńirinde áleýmettik saýalnama júrgizgen.
«Biz 20 myń adam qatysqan saýalnama júrgizdik. Onyń qorytyndysy tutynýshylardyń óz quqyǵyn bilmeıtinin kórsetti. Suraqqa jaýap bergenderdiń 65,9%-y zańdy biletinin, biraq ony paıdalanbaıtynyn aıtqan. Tutynýshylardyń arasynda zańdy paıdalanatyndardyń úlesi – 21%. Eger olar zańdy bilse, ony paıdalansa, bizge túsetin shaǵymdar sany azaıar edi», – dedi Erlan Tompıev.
Ol búginde tutynýshylarǵa zańdy túsindirý jumystary júrgizilip jatqanyn atap ótti.