«MEGA Alma-Ata» oıyn-saýyq ortalyǵynyń sahnasynda Ulttyq ulannyń 5571 áskerı bóliminiń áskerı orkestri Jeńis kúnine arnalǵan merekelik konsert ótkizdi.
İs-shara Uly Otan soǵysyndaǵy Jeńistiń 80 jyldyǵyna oraı uıymdastyrylyp, qala turǵyndary men qonaqtaryna erekshe rýhanı áser syılady.
Konsert barysynda áskerı orkestr soǵys jyldaryndaǵy áskerı ánder men patrıottyq jáne halyq ánderin oryndap, kórermenderge kóterińki kóńil kúı syılady. Repertýardan «Jýravlı», «Álıa», «Qaısar armıa», sondaı-aq zamanaýı mýzykalyq óńdeýdegi qazaq ánderi men marshtar oryndaldy. Orkestrdiń kásibı sheberligi men oryndaýshylyq deńgeıi kórermenderdiń zor yqylasyna bólendi.
Mundaı mádenı is-sharalar halyqtyń rýhyn kóterip qana qoımaı, Otan úshin janyn qıǵan batyrlardy eske alýǵa, jastarǵa patrıottyq tárbıe berýge zor úles qosady.