Almatynyń shuǵyl qyzmetterine túnde Medeý aýdanyndaǵy «Qumbel» shyńynan eki jas jigittiń túsip kele almaı jatqany jóninde habarlama túsken, dep habarlaıdy aqshamnews.kz
2004 jyly týǵan eki azamat baǵyttarynan adasyp, joldy taba almaıtyndaryn túsinip, kómekke júgingen.
Qutqarýshylar olardy 2850 metr bıiktikten tapty. QR Tótenshe jaǵdaılar mınıstrliginiń mamandary Almaty qalalyq qutqarý qyzmetimen birlese otyryp, jigitterdi Ekopostqa deıin aman-esen túsirdi. Keıin olar úılerine óz betterimen oraldy. Eshqaısysy jaraqat almaǵan, medısınalyq kómekke zárý bolmady.
Eskertý: Taýǵa shyqqanda aýa raıy men marshrýtty aldyn ala josparlap, qaýipsizdik erejelerin saqtaý asa mańyzdy.