13–20 qazan aralyǵynda Almaty qalasynda otbasylyq-turmystyq zorlyq-zombylyqtyń aldyn alýǵa baǵyttalǵan «Turmystyq profılaktıka» atty jalpyqalalyq jedel-profılaktıkalyq is-shara ótip jatyr.
Basty maqsat – otbasylyq-turmystyq qatynastar salasyndaǵy quqyq buzýshylyqtardyń aldyn alý, azamattardyń quqyqtyq saýattylyǵyn arttyrý jáne qala turǵyndarynyń qaýipsizdigin qamtamasyz etý.
Medeý aýdandyq Polısıa basqarmasynyń otbasylyq-turmystyq zorlyq-zombylyqqa qarsy kúres tobynyń qyzmetkerleri aýdan turǵyndarymen kezdesip, aqparattyq-túsindirý jumystaryn júrgizýde. Áńgimelesý barysynda mamandar turmystyq zorlyq-zombylyqtyń aldyn alý, áıelder men balalardyń quqyqtaryn qorǵaý jáne qoǵamdaǵy otbasynyń rólin nyǵaıtý máselelerine erekshe nazar aýdarýda.
2025 jyldyń 9 aıynyń qorytyndysy boıynsha, Medeý aýdanynda polısıa qyzmetkerleri 650 qorǵaý nusqamasyn jáne 85 erekshe talapty sot sheshimimen bekitken. Bul sharalar turmystyq quqyq buzýshylyqtardyń qaıtalanýyna jol bermeý jáne otbasy músheleriniń qaýipsizdigin qamtamasyz etýge baǵyttalǵan.
Otbasylyq zorlyq-zombylyqqa qarsy kúres bólimshesiniń bastyǵy Qojanova Áıgerim Serikbaıqyzynyń aıtýynsha, bólim qyzmetkerleri esepte turǵan tulǵalarmen jáne otbasynda jıi daý-janjal týyndaıtyn azamattarmen jeke profılaktıkalyq jumystar júrgizedi.
Polısıa ókilderi turǵyndardy mundaı jaǵdaılarǵa beıjaı qaramaýǵa shaqyrady. Eger turmystyq zorlyq-zombylyq faktileri oryn alsa, azamattar 102 nómiri arqyly polısıaǵa, sondaı-aq 150 nemese 111 senim telefondaryna habarlasa alady.
Mundaı is-sharalar turmystyq zorlyq-zombylyqtyń aldyn alý, quqyq buzýshylyqtardy azaıtý jáne qoǵamdaǵy qaýipsizdik deńgeıin arttyrýǵa baǵyttalǵan.