Qylmys Jetisý aýdanynda, Nazarbaev dańǵyly men Tobaıaqov kóshesiniń qıylysynda bolǵan.
Aryzdanýshynyń aıtýynsha, belgisiz bireý fızıkalyq kúsh qoldanyp, IPhone telefonyn ashyq túrde ıemdenip, sol arqyly 600 myń teńge kóleminde materıaldyq shyǵyn keltirgen, dep habarlaıdy Almaty-akshamy.kz Polisia.kz-ke silteme jasap.
«Jábirlenýshiniń sózine súıene otyryp, qaskóıdiń sulbasy jasaldy. Jedel is-sharalar barysynda kúdikti ustaldy. Ol 22 jastaǵy jergilikti turǵyn bolyp shyqty. Tergeý barysynda kúdikti ýaqytsha ustaý ızolátoryna qamaldy. Atalǵan derek boıynsha QR QK-niń 191-baby 2-bóligine sáıkes qylmystyq is tirkeldi. Kúdiktiniń jeke basy buryn jasalǵan osyǵan uqsas qylmystarǵa qatysy bar-joǵyna tekseriletin bolady», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.