Qaraǵandylyq 2 ujym ChonAn qalasynda ótken álemdik bı festıvalinde kúmis júldeni, jeńip aldy.
Jáne bir qyzymyz jekeleı synda júldeli boldy, dep habarlaıdy Almaty-akshamy.kz 24.kz-ke silteme jasap.
Chonan qalasynda ótken halyqaralyq bı festıvalinde Qazaqstandyq komanda fınalǵa shyqty. Jalpy saıysqa 16 ujym qatysty.Onyń 10-y sońǵy aınalymǵa joldama aldy. Bizdiń ujymnyń ereksheligi olar fólklorlyq ansambldiń súıemeldeýimen óner kórsetti.
Halyqaralyq festıválge tek fólklorlyq óner ujymdary ǵana qatysqan. Qazaqtan namysyn "Aqqý" bı ansambli men "Arqa sazy" fólklorlyq ansambli qorǵady. Bizdiń ónerpazdar Ońtústik Koreıada ulttyq kıimniń 5 túrin kórsetti. Kórermender men qazylar alqasy qazaqtyń bı óneri, halyq aspaptary jáne ulttyq mýzykasymen tanysty.
«Koreıanyń adamdary, kórermenderi kelip, bizden mynaý ne shyǵarma, avtory kim, kompozıtory kim dep sondaı suraqtar qoıyp, bizdermen fotoǵa túsip bizderdi jibermeı. Sahnanyń syrtynda bizdi jibermeı jatty solaı. "Bı ımprovızasıasy" atalymy boıynsha jeke saıysta júldeli oryn qazaqstandyq Jánel Oralǵa buıyrdy», - deıdi Qaraǵandy konserttik birlestigi bas dırektorynyń orynbasary Baıan Ahmetjanova.
Qazaqstandyq ártisterdiń ónerin 5 kúnde 870 myńnan astam adam tamashalaǵan. Jarys qorytyndysy jarıalanǵan soń kórermender men ónerpazdar dástúr boıynsha birge bıledi. Chonan qalasyndaǵy kelesi halyqaralyq bı festıvali 2024 jyldyń qyrkúıegine belgilendi.