Alataý aýdanynda iri ınfraqurylymdyq joba aıaqtaldy – Aqbulaq shaǵynaýdany tolyǵymen aýyzsýmen jáne kárizben qamtyldy.
Joba zańsyz shyǵarylǵan aktıvterdi qaıtarý esebinen júzege asyryldy. Prezıdent tapsyrmasyna sáıkes bul qarajat áleýmettik mańyzy bar nysandardyń qurylysyna baǵyttalyp otyr.
«Qaıtarylǵan qarajat esebinen eki joba iske asyrylýda – Aqbulaqta jáne Boraldaıda», – dedi Alataý aýdany ákiminiń apparatyna qarasty ınjenerlik jáne jol ınfraqurylymy bóliminiń basshysy Abaı Toparbaı.
Aqbulaq turǵyndarynyń aıtýynsha, bul másele kóp jyldar boıy sheshilmeı kelgen. 2024 jyly munda ınjenerlik jeliler tartylyp, bıyl jazda joldar jóndeldi. Qazir barlyq jumystar tolyq aıaqtaldy.
«Biz bul jerde kóp jyldan beri turamyz. Sý bolmaǵandyqtan qınalatynbyz. Ótken jyly jeliler júrgizildi, al bir apta buryn jolymyzǵa asfált tóseldi», – dedi turǵyndardyń biri Galına Sybaılasova.
Osyǵan uqsas jumystar Boraldaı shaǵynaýdanynda da aıaqtalýǵa jaqyn. Munda qazirdiń ózinde 50 shaqyrymnan astam ınjenerlik jeli salyndy. Olar aýdandy aýyzsýmen jáne káriz júıesimen qamtamasyz etpek.