Óńirlik komýnıkasıalar qyzmetiniń baspasóz konferensıasynda QR Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń tabıǵı monopolıalar men baǵalardy retteý bóliminiń basshysy Ardaq Jańabaeva «energetıkalyq jáne komýnaldyq sektorlardy jańǵyrtý» ulttyq jobasynyń iske asyrylýy týraly aıtyp berdi.
Onyń aqparaty boıynsha, 2025 jylǵa Almaty qalasyna 43 672,1 mln teńge kóleminde ınvestısıa qarastyrylǵan. Qarajat qalanyń ınjenerlik ınfraqurylymyn jaqsartýǵa baǵyttalady: 24 065 mln teńge – elektrmen jabdyqtaý jelileriniń 114 shaqyrymyn jańǵyrtý men salýǵa jáne 29 birlik jabdyq satyp alýǵa, 19 607,1 mln teńge – sý qubyry jelileriniń 55,9 shaqyrymyn jańǵyrtý men salýǵa jumsalady.
«Búginde SHJQ «Almaty Sý» MKK men «Alataý Jaryq Kompanıasy» AQ jobany iske asyrýǵa daıyn. Biz jergilikti atqarýshy organdarmen birlese otyryp, basym baǵyttardy aıqyndap, jobalyq-smetalyq qujattamany ázirleý jáne saraptamadan ótkizý jumystaryn júrgizip jatyrmyz», – dep habarlady Ardaq Jańabaeva.
Onyń aıtýynsha, qarjylandyrý tikeleı nesıeleý, oblıgasıalar shyǵarý jáne búdjettik nesıeleýdi qosa alǵanda, ártúrli tetikter arqyly júzege asyrylady.
«Bul shara az qamtylǵan azamattarǵa olardyń naqty qajettilikterin eskere otyryp, kómek kórsetýge múmkindik beredi, bul memlekettik qoldaý qarajatyn tıimdi bólýge yqpal etedi», - dep tolyqtyrdy spıker.