Jol erejesin óreskel buzýshyǵa salynǵan aıyppuldyń jalpy somasy 1 mıllıon teńgeden asty.
Almatyda polıseıler áleýmettik jelilerge júrgizilgen monıtorıń nátıjesinde qala aýmaǵynda jol qozǵalysy erejelerin óreskel buzǵan azamattyq anyqtady, dep habarlaıdy aqshamnews.kz Polisia.kz-ke silteme jasap.
Almaty qalalyq polısıa departamenti jergilikti polısıa qyzmeti basqarmasynyń qyzmetkerleri JQE buzǵag júrgizýshiniń jeke basyn anyqtady. Ol – BMW avtokóligin memlekettik tirkeý nómirinsiz basqarǵan 19 jastaǵy Qyrǵyz Respýblıkasynyń azamaty bolyp shyqty.
Jasalǵan quqyq buzýshylyqtar boıynsha azamatqa qatysty QR Ákimshilik quqyq buzýshylyq týraly kodeksiniń ártúrli baptary boıynsha barlyǵy 25 ákimshilik hattama toltyryldy.
Atap aıtqanda: 590-baptyń 10-bóligi boıynsha – 7 hattama (Kólik quralyn memlekettik tirkeý nómirlik belgisinsiz basqarý);
230-baptyń 2-bóligi boıynsha – 7 hattama (Saqtandyrý polısiniń bolmaýy);
630-baptyń 2-bóligi boıynsha – 6 hattama (Jol tóseminiń zaqymdanýy);
630-baptyń 1/1-bóligi boıynsha – 1 hattama (Quqyq buzýshylyqtyń qaıtalanýy);
601-baptyń 1-bóligi boıynsha – 1 hattama (Jol belgileriniń talaptaryn buzý);
601-baptyń 2-bóligi boıynsha – 2 hattama (Quqyq buzýshylyqtyń qaıtalanýy);
434-baptyń 1-bóligi boıynsha – 1 hattama (Usaq buzaqylyq).