Mektep formasy burynǵysynsha bilim berýdiń zaıyrly sıpatyna saı bolady, biraq belgili bir ózgerister paıda boldy.
Óńirlik komýnıkasıalar qyzmetiniń onlaın brıfıńine qatysqan Almaty qalalyq Bilim basqarmasy rýhanı-adamgershilik tárbıe bóliminiń basshysy Nurgúl Taý Oqý-aǵartý mınıstriniń 2022 jylǵy 30 jeltoqsanda qol qoıǵan buıryǵyn túsindirdi, dep habarlaıdy Almaty-akshamy.kz
Qyzdar úshin de, uldar úshin de mektep formasyna túımeleri nemese sydyrmasy bar trıkotaj kardıgan/kúrte, polo jeıde nemese tenıska qosylǵan.
Er balalarǵa arnalǵan mektep formasy:
- pıdjak, jılet, shalbar, merekelik jeıde, kúndelikti jeıde, ne túımeleri bar nemese sydyrmaly toqylǵan kúrte/kardıgan, polo jeıde nemese tenıska (qys mezgilinde: trıkotaj jılet, vodolazka). Uldarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.
Qyz balalarǵa arnalǵan mektep formasy:
- pıdjak, jılet, beldemshe, shalbar, klasıkalyq jeıde, ne túımeleri bar nemese sydyrmaly toqylǵan kúrte/kardıgan, polo jeıde nemese tenıska (qysqy ýaqytta: trıkotaj jılet, sarafan, vodolazka). Qyzdarǵa arnalǵan shalbarlar erkin tigilgen jáne uzyndyǵy boıynsha tobyqty jaýyp turady.
Merekelik formaǵa (uldarǵa aq kóılek, qyzdarǵa aq blýzka) qoıylatyn talap alynyp tastaldy. Sondaı-aq, galstýk taǵý endi mindetti element emes.
Mektep formasyna orta bilim berý uıymynyń erekshelik belgilerin (belgiler, tigispeler, shevron jáne basqa) ornalastyrýǵa ruqsat etiledi.
Mektep formasyna arnalǵan matalar retinde sapasy jaqsartylǵan, tez tozbaıtyn, bakterıaǵa qarsy, mıkrobqa qarsy jáne antıstatıkalyq qasıetteri bar jartylaı jún jáne maqta matalardy qoldanǵan jón.
Buryn bul mindetti talap bolatyn. 2023 jyldan bastap Almatyda jáne respýblıka boıynsha mektep formasyna qoıylatyn talaptar ózgerdi.