Almatyda 12 men 14 qyrkúıek aralyǵyndaǵy túngi ýaqytta Jandosov kóshesinde qubyr jelisin júrgizý jumystaryna baılanysty qozǵalys shekteledi, - dep habarlaıdy Aqshamnews.kz.
Almatyda 12 qyrkúıek saǵat 23:00-den bastap 14 qyrkúıek saǵat 05:00-ge deıin Jandosov kóshesinde qubyr men káriz júıesin júrgizýge baılanysty avtokólik qozǵalysy ýaqytsha shekteledi. Bul týraly qalalyq Energetıka jáne sý sharýashylyǵy basqarmasy habarlady.
Qozǵalys tómendegi ýchaskelerde shekteledi:
• Jandosov – Dáýletkereı kósheleriniń qıylysy (400 mm qubyr jelisi, 1000 mm qaptama dıametri);
• Jandosov – Dáýletkereı kósheleriniń qıylysy (325 mm qubyr jelisi, 1000 mm qaptama dıametri);
• Jandosov – Aımanov kósheleriniń qıylysy (325 mm qubyr jelisi, 1000 mm qaptama dıametri);
• Jandosov – Bekeshev kósheleriniń qıylysy (325 mm qubyr jelisi, 1000 mm qaptama dıametri).
Bul aýmaqtar eki iri ınfraqurylymdyq jobany júzege asyrýǵa baılanysty shektelip otyr:
1. «Almaty qalasynda Batys káriz kolektoryn salý» – jalpy uzyndyǵy 34,9 shaqyrymdyq magıstraldy káriz kolektory salynady. Joba Naýryzbaı jáne Alataý aýdandarynyń 175 myńnan astam turǵynyn, sondaı-aq Almaty oblysynyń Qarasaı jáne İle aýdandarynyń shamamen 20 myń turǵynyn ortalyqtandyrylǵan sý burý júıesine qosýǵa múmkindik beredi.
2. «Naýryzbaı aýdany Aqjar shaǵynaýdanynda sý jáne káriz jelilerin salý» – aýmaqtyń ınjenerlik ınfraqurylymyn jaqsartýǵa, aýyz sý berýdi turaqtandyrýǵa jáne káriz júıesiniń úzdiksiz jumysyn qamtamasyz etýge baǵyttalǵan.
Qala turǵyndary men qonaqtarynan saparyn aldyn ala josparlap, balamaly baǵyttardy tańdaýdy suraımyz. Ýaqytsha qolaısyzdyq úshin keshirim suraımyz jáne túsinistik tanytqandaryńyzǵa alǵys bildiremiz.
Eske salamyz, qozǵalysqa qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteriniń áleýmettik jelilerinde, sondaı-aq, 2GIS jáne Iandeks kartalary servısterinde jarıalanady.