Ol qamaýǵa alyndy.
Esirtki qylmysyna qarsy kúres basqarmasynyń qyzmetkerleri polısıanyń arnaıy jasaǵynyń kómegimen arnaıy is-sharany júrgizdi, dep habarlaıdy Almaty-akshamy.kz
Qalalyq mekemelerdiń birinde barmen bolyp jumys isteıtin 28 jastaǵy D.esimdi azamat ustaldy.
"Jedel málimetterge sáıkes, kúdikti óz jumys ornynda esirtki satýmen aınalysqan. Onyń qylmystyq áreketteri resmı túrde qujattalǵan: qamaýǵa alynar aldynda ol "klıentke" sıntetıkalyq esirtkiniń dozasyn satqan. Ustaý barysynda kúdiktiden aq tústi, erekshe ıisti, untaqty zaty bar baılam tabyldy jáne tárkilendi. Sot-hımıalyq saraptama taǵaıyndaldy. Atalǵan derek boıynsha Medeý aýdandyq PB-da QR QK-niń 297-baby 1-bóligine sáıkes sotqa deıingi tergeý amaldary júrgizilip jatyr. Esirtki satýshy qamaýǵa alyndy", – dedi Almaty qalalyq polısıa departamenti bastyǵynyń orynbasary Dıdar Ahanov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.