Almaty polısıasy bozbalany qaǵyp ketken júk kóliginiń júrgizýshisin ustady. Bala oqıǵa ornynda kóz jumdy, – dep habarlaıdy almaty-akshamy.kz Polisia.kz silteme jasap.
Qaıǵyly oqıǵa Qalqaman shaǵyn aýdanynda bolǵan. Jaıaý júrginshiler ótkelinde GAZ-53 kóligin basqarǵan azamat jasóspirimdi qaǵyp ketti.
– Bir táýlikten keıin júrgizýshi Almaty oblysynda alkogóldik jáne esirtkilik masań kúıde ustaldy. Kólik jaqyn mańdaǵy kósheden tabylǵan, ol jol apatynan keıin ony tastap, jaıaý qashyp ketken. Tekserý barysynda júrgizýshi 2020 jyly 7 jylǵa kólik quralyn basqarý quqyǵynan aıyrylǵany belgili boldy. Qazir ol qamaýda. Atalǵan derek QR QK-niń 345-baby 3-bóligi jáne QR QK-niń 347-baby boıynsha tergeý amaldary júrgizilip jatyr, – dedi Almaty qalasy PD JPQB izdestirý bóliminiń bastyǵy Qaısar Tólebekov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.