Bul aqshany merziminen buryn alýǵa tyıym salynady.
Qazaqstandyq balalardyń shotyna Ulttyq qordyń aqshasy kelesi jyly aqpan aıynan bastap túse bastaıdy, dep habarlaıdy Almaty-akshamy.kz
Premer-mınıstrdiń orynbasary – qarjy mınıstri Erulan Jamaýbaev "Ulttyq qor – balalarǵa" jobasy aıasynda kámeletke tolǵan balanyń shotynda qansha aqsha jınalatynyn aıtty.
"Eger osy júıege bala dúnıege kelgen kezden bastap qatyssa, 18 jasqa tolǵannan keıin 3 myń dollardan 4 myń dollarǵa deıin alady", - dedi Jamaýbaev.
Aıta keteri, bir aı buryn prezıdent Qasym-Jomart Toqaev Ulttyq qordan balalarǵa arnalǵan qarajatty esepteý, tóleý jáne paıdalaný máseleleri týraly zańǵa qol qoıdy.
"Ulttyq qor – balalarǵa" jobasy 2024 jylǵy 1 qańtardan bastap iske qosylady. Ulttyq qordyń jyl saıynǵy ınvestısıalyq kirisiniń 50%-i balalar 18 jasqa tolǵanǵa deıin olardyń arnaıy jınaqtaý shottaryna aqpan aıynan bastap aýdarylady. Bul aqshany merziminen buryn alýǵa tyıym salynady.
Bala kámeletke tolǵannan keıin shottaǵy aqshasyn baspana satyp alýǵa nemese oqý aqysyn tóleýge jumsaı alady. Alaıda bala azamattyǵyn ózgertken nemese joǵaltqan jaǵdaıda tólem alý quqyǵynan aıyrylady. Ulttyq qordan beriletin qarajatqa salyq salynbaıdy.
Esepshottaǵy aqsha dollarmen jınaqtalady. Al tólenetin kezde sol kúngi kýrspen teńgege aýdarylady.