Kitaptar «Birqazaq» jobasy aıasynda shyǵyp otyr
Búgin QR Ulttyq kitaphanasynda Qabylqaq Kúlmesqanulynyń «Tumandy dala» jáne Maǵaz Razdanulynyń «Kókıirim shúńeti til qatady» kitaptarynyń tusaýkeseri ótti, dep habarlaıdy Almaty-akshamy.kz.
Sharany jazýshy, dramatýrg, kıno senarıst Ularbek Nurǵalymuly jáne kásipker, Golden Bridge Partners kompanıasynyń negizin qalaýshy Bolatbek Dálelhanuly júrgizdi.
Bul eki kitap Ularbek Nurǵalymuly qolǵa alǵan «Birqazaq» jobasynyń aıasynda shyǵyp otyr. Bul joba arǵy bettegi jazýshylardyń shyǵarmalaryn qazirgi qazaq álipbıine kóshirip, Qazaqstan halqyna nasıhattaýdy kózdeıdi. Aldaǵy ýaqytta áli de birneshe jazýshynyń shyǵarmalaryn basyp shyǵarý josparlanǵan.Atalǵan eki kitap «Damu business group» pen Bolatbek Dálelhanulynyń, Qumar Jumahanulynyń qoldaýymen «Muqaba» baspasynan jaryq kórdi.
Shara aıasynda Ularbek Nurǵalymuly «Tumandy dala», «Kókıirim shúńeti til qatady» kitaptarynyń birneshe danasyn Qazaqstan Respýblıkasy Ulttyq kitaphanasynyń qoryna tabystady.