Strategıalyq salalarda 3 300 birlesken kásiporyn jumys isteıdi
QKP OK Saıası búrosynyń múshesi, QKP Shyńjań-Uıǵyr avtonomıalyq aýdany partıa komıtetiniń hatshysy Ma Sınjýıdiń Qazaqstanǵa resmı sapary aıasynda Almatyda ótken Qazaqstan men Qytaı shekara yntymaqtastyǵynyń 2-shi Dostyq dıalogyna qatysýshylar ekijaqty ekonomıkalyq ózara qarym-qatynastardy nyǵaıtýǵa kelisti, dep habarlaıdy Almaty-akshamy.kz primeminister.kz-ke silteme jasap.
Qazaqstan men Qytaı arasynda barlyq baǵyttar boıynsha ózara qarym-qatynastar erekshe sıpatqa ıe.
Muny eki eldiń saýda, ınvestısıalar, logıstıka máselelerindegi úzdiksiz ózara is-qımyly dáleldep otyr.
«Memleket basshylary jan-jaqty yntymaqtastyqty damytýǵa kóp kóńil bóledi. Bıyl «Bir beldeý – bir jol» bastamasyna 10 jyl tolady. Osy kezeńde aradaǵy seriktestik jańa deńgeıge kóterildi. Yntymaqtastyqtyń barlyq baǵyttary boıynsha oń serpin baıqalady. Búginde Qazaqstanda taý-ken metalýrgıa kesheni, óńdeý ónerkásibi jáne basqa da strategıalyq salalarda 3 300 birlesken kásiporyn jumys isteıdi», — dedi Premer-Mınıstrdiń orynbasary – Saýda jáne ıntegrasıa mınıstri Serik Jumanǵarın forýmdy asha otyryp.
Forýmǵa 150-den astam qazaqstandyq kásipker, 20 jetekshi Shyńjań kásipkeri, Qazaqstandaǵy iri ınvestısıalyq Qytaı kásiporyndarynyń 10 ókili keldi.
Forým aıasynda ekonomıkanyń túrli salalarynda, atap aıtqanda, qurylys, energetıka, taý-ken ónerkásibi, aýyl sharýashylyǵy, tamaq ónerkásibi, mashına jasaý, týrızm, ınvestısıalar jáne t.b. salalarda qazaqstandyq jáne qytaılyq kásipkerler arasynda B2B formatynda ekijaqty kelissózder ótti.
16 ekijaqty qujatqa qol qoıyldy, onyń beseýi – $565,4 mln-nyń komersıalyq qujaty.
Sharany Almaty qalasy ákimdigi jáne «QazTrade» saýda saıasatyn damytý ortalyǵy» AQ qoldaýymen QR Saýda jáne ıntegrasıa mınıstrligi uıymdastyrdy.