Oqýshylar arasynda "JasSkills 2023" qalalyq kásibı sheberlik chempıonaty ótedi
Almatyda "Kásiptik bilim: tabysqa jetý joly" atty qalalyq jumysshy mamandyǵy festıvali bastaldy. Qalanyń 12 000 oqýshysy men 700 kolej stýdenti 10 kún ishinde túrli baıqaýlarǵa qatysyp, mamandyqtar álemine keńinen boılaıdy. Festıvál sońynda is-sharanyń túpqazyǵy bolyp tabylatyn "WorldSkills Almaty 2023" VIII óńirlik chempıonat ótedi, dep habarlaıdy Almaty-akshamy.kz.
Festıváldiń maqsaty – Almaty qalasynyń tehnıkalyq jáne kásiptik bilim berý júıesiniń pozısıalaryn kásiptik baǵdar berý jáne jumysshy jáne orta býyn mamandyǵyn nasıhattaý. İs-sharalar 2023 jylǵy 8 sáýirge deıin jalǵasady.
Búgin mektep oqýshylary men kolej stýdentteri arasynda "TjKB bedeli"taqyrybynda pikirsaıys ótti. Pikirsaıys týrnıriniń taqyryby - "Tehnıkalyq jáne kásiptik bilim berýdiń bedeli". Týrnırge úsh lıga endi: qazaq, orys jáne aǵylshyn. Almaty qalasynyń ár aýdanynan ár lıgaǵa bir komanda jasaqtaldy. Barlyǵy qalanyń segiz aýdanynan 160 oqýshy qatysty.
Baǵdarlamada basqa da is-sharalar qamtyldy. Oqýshylar qaladaǵy tigin fabrıkalary, óndiristik jáne jıhaz kompanıalary, kınostýdıalar, tamaqtaný jáne ósimdik sharýashylyǵy salasyndaǵy uıymdar, t.b. bazalaryna ekskýrsıalar jasady.
Sondaı-aq, 29 naýryzda 9-synyp oqýshylary arasynda alǵashqy "JasSkills 2023" qalalyq kásibı sheberlik chempıonaty ótedi. Baıqaý WorldSkills Kazakhstan ulttyq chempıonatynyń Erejelerine sáıkes aýdandyq chempıonattyń segiz jeńimpazy arasynda on quzyrettilik boıynsha ótedi.
Oqýshylardy ǵylymı-zertteý qyzmetine tartý jáne erte kásiptik baǵdar berý maqsatynda 30 sáýirde 9-synyp oqýshylaryna arnalǵan "Bolashaq biz úshin" ǵylymı jobalar konkýrsy kólik tehnıkasy, energetıka, qurylys, servıstik qyzmet kórsetý, t.b. mamandyqtary boıynsha ótedi.
Sporttyq baǵytta 31 naýryzda 9-synyp oqýshylary arasynda shaǵyn fýtbol men voleıboldan qalalyq chempıonat josparlanǵan. Bul - qalanyń barlyq aýdandarynyń jáne kolejderdiń 1-shi kýrs stýdentteriniń qurama komandalary.
Festıvál aıasynda 3 sáýirde 9-synyp oqýshylary men kolejderdiń 1-kýrs stýdentteri arasynda "Meniń bolashaq mamandyǵym" taqyrybynda qalalyq KTK ótedi. Sol kúni kolejdiń daryndy túlekteri qalanyń ár aýdanyndaǵy segiz mektep bazasynda 9-synyp oqýshylarymen kezdesedi. İs-shara kolejde oqýǵa degen qyzyǵýshylyqty arttyrýǵa, túlekterdiń óz bıznesin ashý joly men tájirıbesin kórsetýge arnalǵan.
Kolej qyzmetkerleri mektep dırektorlary men kolej basshylary arasynda " Bilim sabaqtastyǵy» taqyrybyna dóńgelek ústel josparlaǵan. "Akademıalyq derbestik" taqyryby boıynsha dırektorlar men jumys berýshiler arasyndaǵy ekinshi kezdesý 6 sáýirge josparlanǵan.
Festıvál sońynda 2023 jylǵy 5-7 sáýir aralyǵynda jyl saıynǵy "WorldSkills International" quzyrettiligi boıynsha "WorldSkills Almaty 2023" óńirlik kásibı sheberlik chempıonaty ótedi.