Ekologıa jáne qamqorlyq: Jetisý aýdanyndaǵy "Baqytty otbasy" áleýmettik ortalyǵy "Fabrıka" ekojobasyna qatysty
Almatyda "Taza Qazaqstan" respýblıkalyq aksıasy aıasynda toqyma qaldyqtaryn jınaý jáne qaıta óńdeýge baǵyttalǵan "Fabrıka" ekologıalyq jobasy júzege asyrylyp keledi. 2025 jyly 8 qazanda Jetisý aýdanyndaǵy "Baqytty otbasy" áleýmettik ortalyǵynda jobany birlesip júzege asyrý jóninde memorandýmǵa qol qoıyldy.
"Fabrıka" jobasy Jetisý aýdanynda qarqyndy júzege asyrylyp keledi: turǵyndar eski kıim-keshek, tósek-jabdyq, súlgi jáne basqa da toqyma buıymdar tapsyrady. Barlyq materıal suryptalyp, qaıta óńdeledi, matanyń bir bóligi jańa toqyma ónimderi men turmystyq materıaldar retinde, al jaramdy zattar qaıyrymdylyq uıymdaryna beriledi.
Memorandým aıasynda "Baqytty otbasy" ortalyǵy ómirinde qıyndyq bolyp jatqan áıelderdi jumyspen qamtýǵa jáne qaıta óńdelgen materıaldardan ónim tigýge jaýapty. Ortalyq aıyna 1000 danaǵa deıin buıym óndire alady. Bul joba ekologıalyq, sonymen qatar áleýmettik turaqtylyqty da qamtamasyz etedi.
"Fabrıka" jobasynyń basty maqsaty – toqyma qaldyqtarynyń kólemin azaıtý, qorshaǵan ortaǵa túsetin júktemeni tómendetý, qala turǵyndary arasynda sanaly tutyný mádenıetin damytý, sondaı-aq, qaıyrymdylyq pen jumyspen qamtýdy qoldaý. "Baqytty otbasy" ortalyǵynyń qatysýymen ekologıalyq bastama men áleýmettik mısıany biriktiretin jańa kezeń bastalady.