Alekseı Soı Prezıdenttiń keńesshisi bolyp taǵaıyndaldy, - dep habarlaıdy aqshamnews.kz tilshisi.
"Memleket basshysynyń ókimimen Alekseı Vladımırovıch Soı Qazaqstan Respýblıkasy Prezıdentiniń áleýmettik máseleler jónindegi keńesshisi laýazymyna taǵaıyndaldy", - dep jazylǵan habarlamada.
Alekseı Soı týraly ne belgili?
Alekseı Soı densaýlyq saqtaý mınıstri qyzmetine 2020 jylǵy 25 maýsymda taǵaıyndaldy, onyń aldynda Eljan Birtanov mınıstr bolǵan.
Alekseı Vladımırovıch Soı 1977 jyly 2 sáýirde Shymkent qalasynda dúnıege kelgen.
Qazaqstan memlekettik medısına akademıasynyń aspırantýrasyn, Ońtústik Qazaqstan memlekettik medısına akademıasyn, "Dáneker" halyqaralyq quqyq jáne halyqaralyq bıznes ınstıtýtyn, RF prezıdenti janyndaǵy Reseı halyq sharýashylyǵy jáne memlekettik qyzmet akademıasynyń korporatıvtik basqarý joǵary mektebin támamdaǵan.
1998-2001 jyldary "Aspan Shymkent" JSHS bas býhgalteri, komersıalyq dırektory bolyp qyzmet etken.
2002-2004 jyldary - Ulttyq ǵylymı medısına ortalyǵy jáne respýblıkalyq klınıkalyq aýrýhanada endoskopıst-dáriger.
2004-2007 jyldary - Ulttyq ǵylymı medısına ortalyǵynda endoskopıst-dáriger, aǵa ǵylymı qyzmetker.
2007-2010 jyldary - Qazaqstan prezıdenti is basqarmasy medısına ortalyǵynyń zamanaýı tehnologıalardy engizý ortalyǵy dırektorynyń mindetin atqarýshy, dırektory.
2010-2011 jyldary - Qazaqstan prezıdenti is basqarmasynyń medısına ortalyǵy basshysynyń mindetin atqarýshy, basshysy.
2011-2014 jyldary - Astana qalasynyń №1 qalalyq aýrýhanasynyń bas dárigeri.
2014-2017 jyldary - densaýlyq saqtaý jáne áleýmettik damý vıse-mınıstri.
2017-2019 jyldary - densaýlyq saqtaý vıse-mınıstri.
2019 jyldyń aqpanynan bastap Qazaqstan prezıdenti is basqarmasynyń medısına ortalyǵyn basqardy.
2020 jylǵy 22 maýsymda densaýlyq saqtaý birinshi vıse-mınıstri bolyp taǵaıyndaldy.
2020 jylǵy 25 maýsymda Qazaqstannyń densaýlyq saqtaý mınıstri boldy.