Almatylyq "Qaırat" klubynyń ıesí Qaırat Boranbaev jas qaqpashy Sherhan Qalmūrzanyń oıynyna joǵary baǵa berdí, - dep habarlaıdy aqshamnews.kz tílshísí 1bol.kz-ke sílteme jasap.
18 jastaǵy Sherhan Qalmūrza sońǵy matchtarda negízgí qaqpashy retínde alańǵa shyǵyp júr. Būǵan deıíngí negízgí oıynshylar Aleksandr Zarutskıı men Temírlan Anarbekov jaraqat alyp, qatardan tys qalǵan bolatyn. Osyndaı jaǵdaıda Sherhan kútpegen jerden negízgí qūramǵa endí jáne senímdí oıynymen kózge tústí.
Jas qaqpashy "Qaırattyń" Chempıondar lıgasyndaǵy lıssabondyq "Sportıngke" qarsy (1:4) jáne madrıdtík "Realǵa" qarsy (0:5) oıyndarda qaqpany qorǵady.
"Qalmūrza, árıne, erekshe múmkíndík aldy. Iá, būl múmkíndík negízgí oıynshylardyń jaraqatyna baılanysty tuǵany ókíníshtí, bíraq Sherhan ózín óte senímdí ūstap júr. Bíz onyń oıynyna quanyshtymyz, ol jaqsy qaqpashy. Keıde alańda auyr soqtyǵystar bolǵanda "tek jaraqat almasyn, áıtpese qaqpany 16 jastaǵy bala qorǵauy múmkín" dep eríksíz kúlíp oılaımyz", - deıdí Boranbaev ázílmen.
Bíz jas futbolshylarǵa sením arta alatynymyzdy kóríp otyrmyz. Olardaǵy ynta men deńgeı quantady. Árıne, tájírıbe álí az, bíraq Sherhan bír jyldan astam uaqyt "Qaırat-Jastar" sapynda Bírínshí lıgada oınady, yaǵnı eresekter futbolyn sezíndí. Árıne, "Seltık" pen "Real Madrıd" deńgeıí múlde basqa, bíraq ol būl synǵa laıyq ekenín kórsettí. Eń mańyzdysy, komandadaǵy barlyq oıynshy ony qoldap, "Sherhanǵa kómektesemíz, barymyzdy salamyz, tek ol ózíne senímdí bolsyn" dedí", - dedí Boranbaev.
