Almaty qalasy «Otbasy bank» AQ dırektory Danagúl Túsipova Óńirlik komýnıkasıalar qyzmetiniń brıfıńine qatysty. Jýrnalıserdiń suraqtaryna jaýap berý barysynda ol tabysy tómen otbasylar qandaı ıpotekany ala alatynyn aıtty, dep habarlaıdy almaty-akshamy.kz
«Eger olar jergilikti atqarýshy organdar tarapynan baspana kezeginde tursa, «Baqytty otbasy» jáne «Shańyraq» baǵdarlamalaryna qatysa alady. Bul baǵdarlamalar úshin tólem qabilettiliginen ótýdiń jeke sharttary bar, munda árbir otbasy múshesiniń shyǵyndary azyraq somada esepteledi, sondaı-aq bul baǵdarlamalar boıynsha bastapqy jarna jeńildetilgen jáne aıtarlyqtaı tómendetilgen», - dedi Danagúl Túsipova.
Sonymen birge, spıker «Otbasy bank» arqyly jastar úshin qandaı tıimdi memlekettik baǵdarlamalar qoljetimdi ekenin aıtty.
«2017 jyldan bastap qalamyzda «Almaty jastary» jeńildetilgen baǵdarlamasy júzege asyrylýda. Ol barlyq óńirlerde aımaqtyq baǵdarlamalardyń iske qosylýyna negiz boldy. «Elorda jastary», «Alataý jastary» baǵdarlamalary bar. Munda ár aımaqta nesıe berý sharttary ártúrli. Máselen, «Almaty jastary» baǵdarlamasy boıynsha bilim, densaýlyq saqtaý, mádenıet, BAQ, sport, ǵylymı-zertteý ınstıtýttary, quqyq qorǵaý organdary sıaqty jeti salada eńbek etip júrgen 35 jasqa deıingi jastarǵa nesıe beriledi. Bıylǵy jylǵa ózgerister josparlanyp otyr, endi ákimdiktiń maquldaýyn kútip otyrmyz. Baǵdarlamanyń bastalǵanyn keıin habarlaımyz. Biz 1100 azamatqa nesıe berýdi josparlap otyrmyz, bul baǵdarlama boıynsha bastapqy jarna - 10%, paıyzdyq mólsherlemesi - 5», - dep jalǵastyrdy ÓKQ spıkeri.
Sondaı-aq Danagúl Túsipova «Otbasy Bank» bankinde depozıt ashqanda qyzmetkerler kelisimshart somasyn, ıaǵnı klıenttiń bolashaqta turmys jaǵdaıyn jaqsartý úshin paıdalanǵysy keletin somany anyqtaıtynyn aıtty. Onyń eń tómengi quny 500 AEK, qazirgi ýaqytta 1 750 000 teńge, al eń joǵarysy 200 mıllıon teńgege deıin. Klıent kelisimshart somasynyń 50% jınaýy kerek.