Bas múftı TikTok-ta qate ýaǵyz aıtatyn ımamdarǵa eskertý jasady.
Áleýmettik jelide halyqtyń suraqtaryna jaýap berip otyratyn din qyzmetkerleri týraly Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly Qasqa Jol Youtube arnasynda jýrnalıs Abaı Seıfýllaǵa bergen suhbatynda aıtty, dep habarlaıdy Almaty-akshamy.kz Egemen.kz-ke silteme jasap.
«Qazir TikTok-ta tikeleı efırde otyratyn ımamdar tanymal. Keıde qıys ketip jatsa, birin-biri túzep jatady. Osy ustazdardyń bárin dinı basqarma baqylaı ma?» - dep surady júrgizýshi.
«Qazir bilikti ustazdarymyz, ǵalymdarymyz kóbeıip keledi. Keıde ıá, shatasyp ta jatady. Biraq sharıǵatta bul shatasýǵa bolady degen sóz emes. Osyny umytpaý kerek. Dinı basqarma ár kezde de muny ımamdarǵa, ustazdarǵa eskertip otyrady. «Baıqańyzdar, asyǵystyq jasamańyzdar, biletin dúnıeni aıtyńyzdar. Bilmeıtin bolsańyz, keıinge qaldyryp, anyqtap baryp aıtyńyzdar» dep eskertip otyramyz. Halyqqa Allanyń Quranyn qate aıtsaq, ol Qudaıdyń amanatyna qıanat qylǵanymyz. Paıǵambar súnnetin de qate aıtpaý kerek. Eń durysy – bilmegenińdi bilmeımin, anyqtap, keıin aıtyp bereıin deý», - dep aıtty Naýryzbaı Taǵanuly.
Onyń sózinshe, ımamdar dinı basqarmaǵa shaqyrylyp, olarǵa nasıhat júrgiziledi.