Almaty Management Univercity ýnıersıtetinde toǵyzqumalaqtan Almaty qalasy turǵyndary, mektep oqýshylary, memlekettik qyzmetkerler arasynda qala ákiminiń kýbogi ótti.
Jarysty Almaty qalasy Toǵyzqumalaq sporty Federasıasy, Almaty qalasynyń Dene shynyqtyrý jáne sport basqarmasy uıymdastyryp, tóreshilikti qalalyq Sport basqarmasy men Toǵyzqumalaq federasıasy bekitken tóreshiler alqasy júrgizdi.
Týrnırge Almaty qalasy Máslıhatynyń tóraǵasy Meıirjan Otynshıev, Almaty Management Univercity rektory Gúlnar Turdáliqyzy jáne «Toǵyzqumalaq» federasıasynyń qamqorshylyq keńesiniń músheleri qatysyp, qatysýshylarǵa sáttilik tiledi.
«Ulttyq oıynymyz – toǵyzqumalaqtyń 4 myń jyldyq tarıhy bar. Ótken jyly Almaty qalasyn toǵyzqumalaqtyń dúnıejúzilik ordasy, ıaǵnı astanasy dep tanydyq. Sol sebepti qazir is-sharalar toǵyzqumalaq boıynsha ótip jatyr. Shahmatty da, toǵyzqumalaqty da, basqa da sport túrlerin birdeı damytyp júrmiz», – dedi Meıirjan Otynshıev.
