Almaty Management University ýnıversıtetinde toǵyzqumalaqtan Almaty qalasy turǵyndary, mektep oqýshylary, memlekettik qyzmetkerler arasynda qala ákiminiń kýbogi ótti.
Jarysty Almaty qalasynyń Toǵyzqumalaq sporty federasıasy, Almaty qalasynyń Dene shynyqtyrý jáne sport basqarmasy uıymdastyryp, tóreshilikti qalalyq Sport basqarmasy men Toǵyzqumalaq federasıasy bekitken tóreshiler alqasy tóreshilik etti.
Týrnırge Almaty qalasy Máslıhatynyń tóraǵasy Meıirjan Otynshıev, Almaty Management University rektory Gúlnar Turdáliqyzy jáne «Toǵyzqumalaq» federasıasynyń qamqorshylyq keńesiniń músheleri qatysyp, qatysýshylarǵa sáttilik tiledi.
«Ulttyq oıynymyz – toǵyzqumalaqtyń 4 myń jyldyq tarıhy bar. Ótken jyly Almaty qalasy toǵyzqumalaqtyń dúnıejúzilik ordasy, ıaǵnı astanasy dep tanyldy. Sol sebepti qazir is-sharalar toǵyzqumalaq boıynsha ótip jatyr. Shahmatty da, toǵyzqumalaqty da, basqa da sport túrlerin birdeı damytyp júrmiz», – dedi Meıirjan Otynshıev.
