Elimizdiń ýnıversıtetterinde jumys isteıtin qazaq tili boıynsha dısertasıalyq keńester endi bir jerden basqarylady.
Abaı atyndaǵy qazaq ulttyq pedagogıkalyq ýnıversıtetinde Til ǵylymy zertteýlerin úılestirý ortalyǵy quryldy, Almaty-akshamy.kz 24.kz-ke silteme jasap.
Budan bylaı jas ǵalymdardyń ana tilimizge qatysty dısertasıalyq jumystarynyń taqybyry men zertteý salasy bir-birin qaıtalamaıdy. Bilikti ǵalymdardan quralǵan alqa músheleri, shákirtterdiń ǵylymı jumystaryn qadaǵalap, baǵyt-baǵdar berip otyrady. Ortalyqqa Ulttyq ǵylym akademıasynyń akademıgi Kárimbek Qurmanálıev basshylyq etedi. Mamandar: «bul bastama, tyń ádistemelik-teorıalyq materıaldardy jiktep, zertteýdi kúsheıtýige múmkindik beredi», - deıdi.
Faýzıa Orazbaeva, QR ulttyq ǵylym akademıasynyń korespondent múshesi: - Eń aldymen dısertasıanyń taqyryby bekitilerde osy úılestirý ortalyǵynyń aldynan ótedi, komısıa ony qaraıdy. Eger ol qaıtalansa nemese naqty emes usaq-túıek máseleni sóz etse ol taqyrypty bekitpeıdi. Óıtkeni, qazir keıbir keńesterdegi dısertasıalar qaıtalanyp, onyń nátıjesi de, paıdasy da bolmaı jatyr. Al ony durys jolǵa qoıýdyń baǵytyn, baǵdaryn aıqyndaıdy.