22 mamyrda Almaty qalasynyń terorızmge qarsy jedel shtabynyń bastamasymen Almaty metropolıteninde terorızmge qarsy oqý-jattyǵý sharalary ótkizildi, - dep habarlaıdy aqshamnews.kz.
Oqý-jattyǵý kezinde metro poıyzdarynyń qozǵalys kestesine eshqandaı shekteýler engizilgen joq.
İs-sharanyń maqsaty – kelissóz júrgizý daǵdylaryn jetildirý, kepilge alynǵan adamdardy bosatý jáne qylmyskerlerdi zalalsyzdandyrý boıynsha arnaıy operasıa ótkizý.
Sonymen qatar, kólik ınfraqurylymy nysanynyń terorızmge qarsy qorǵalý júıesi men yqtımal daǵdarystyq jaǵdaılarǵa den qoıý múmkindigi tekserildi.
Jalpy, ótkizilgen oqý-jattyǵý sharasy terrorlyq qaýip tóngen jaǵdaıda qoıylǵan mindetterdi sapaly oryndaýǵa jáne mamandardyń kásibı daıyndyǵyn arttyrýǵa oń áserin tıgizdi.