Almatyda terorızmge qarsy áreket etý algorıtmi túsindirildi

Almatyda terorızmge qarsy áreket etý algorıtmi túsindirildi Sýret: Gov.kz

Almaty qalasynda terorızmge qarsy daıyndyqty arttyrý maqsatynda birqatar oqý-jattyǵý is-sharalary ótkizildi.

Atap aıtqanda, 16-26 mamyr aralyǵynda Almaty qalasy boıynsha UQKD Terorızmge qarsy ortalyǵy (ATS) mamandarynyń uıymdastyrýymen arnaıy batalón, patrúldik polısıa polki jáne aýdandyq polısıa basqarmalarynyń kezekshi qyzmetkerlerimen teorıalyq sabaqtar ótti, dep habarlaıdy aqshamnews.kz.

Sabaqtardyń negizgi taqyryby – terorızm qaýpi týyndaǵanda nemese lańkestik akt jasalǵan jaǵdaıda memlekettik organdar men qyzmetterdiń alǵashqy áreket etý algorıtmi boldy. İs-sharanyń basty maqsaty – Almaty qalalyq terorızmge qarsy jedel shtabynyń (AGOSH) kúshteri men quraldarynyń árdaıym daıyn bolýyn qamtamasyz etý.

Oqý sharalaryna barlyq segiz aýdandyq polısıa basqarmasyna qarasty patrúldik polısıa polki men arnaıy batalónnyń 400-den astam qyzmetkeri qamtyldy. Qatysýshylarǵa alǵashqy áreket etýshi kúshterdiń algorıtmi men kezekshi qyzmetterdiń áreket tártibi tolyq túsindirildi.

Sonymen qatar, patrúldik polısıa qyzmetkerlerine terorızm aktisi oryn alǵan jaǵdaıda ekıpajdyń negizgi áreketteri, jarylǵysh zat nemese kúdikti nysan tabylǵanda evakýasıa jáne qorshaý aımaqtaryn anyqtaý boıynsha usynystar berildi.

Alynǵan bilim men daǵdylardy pysyqtaý maqsatynda jyl sońyna deıin patrúldik polısıa polki men arnaıy batalón ekıpajdarynyń fýnksıonaldyq mindetterdi bilý deńgeıin tekseretin baqylaý sharalary josparlanǵan.

Jalpy, mundaı sharalar alǵashqy áreket etýshi kúshterdiń kásibı daıyndyǵyn arttyrýǵa jáne terorızm aktileriniń aldyn alý men saldaryn azaıtýǵa eleýli úles qosady.

Aıta keteıik, atalǵan merzim ishinde bul oqý-jattyǵýlar Tótenshe jaǵdaılar departamentiniń barlyq aýdandyq basqarmalarynda da ótkizildi.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

21:50

18:10

17:09

17:04

16:51

15:36

15:25

15:06

14:45

14:34

14:00

13:55

13:33

12:37

12:27

12:24

12:15

12:05

11:50

11:31

10:25

10:17

10:06

18:35

17:58