Qazir elimizde 2,5 mıllıonǵa jýyq zeınetker turady, dep habarlaıdy aqshamnews.kz
Qazaqstanda maýsym aıynda zeınetaqynyń ortasha mólsheri 143 502 teńgege jetti. Bul týraly Eńbek jáne halyqty áleýmettik qorǵaý mınıstrligi málimdedi.
Osy jyldyń basynan beri respýblıkalyq búdjetten 1 trln 745,9 mlrd teńge zeınetaqy tólengen. Sonyń ishinde bazalyq zeınetaqy – 564,7 mlrd teńge, yntymaqty zeınetaqy – 1 trln 181,2 mlrd teńge.
«2025 jylǵy 1 maýsymdaǵy málimet boıynsha, zeınetkerler sany – 2 mln 481 myń adam. Jıyntyq zeınetaqynyń ortasha mólsheri 143 502 teńgeni qurady, onyń ishinde yntymaqty zeınetaqy – 95 814 teńge, bazalyq zeınetaqy – 47 688 teńge», - delingen habarlamada.
Bıyl 1 qańtarda bazalyq zeınetaqy tólemi ınflásıanyń boljamdy deńgeıine sáıkes 6,5%-ǵa, yntymaqty zeınetaqy 8,5%-ǵa, ıaǵnı ınflásıa deńgeıinen 2%-ǵa asyra kóterilgen bolatyn.
Mınıstrlik prezıdenttiń tapsyrmasymen 2023 jyldan bastap bes jyl ishinde eń tómen bazalyq zeınetaqy eń tómen kúnkóris deńgeıiniń 70 paıyzyna, al eń joǵary – 120%-ǵa deıin jyl saıyn kezeń-kezeńimen artady dep boljam otyr.