Qala ákimi Baqytjan Saǵyntaevtyń bastamasymen Kishi Almaty ózen arnasy, Terenkýr jańartýdan ótti. Ony shahardyń Jasyl ekonomıka basqarmasy bastyǵy Natalá Lıvınskaıa turǵyndarmen birge ashty, dep habarlaıdy Almaty-akshamy.kz.
Alańǵa 150 aǵash, 5 myńnan astam buta otyrǵyzylyp, navıgasıalyq baǵyttaǵyshtar qoıyldy. Sondaı-aq, qala turǵyndarynyń usynystary boıynsha avtoturaqtyń ornyna sporttyq jáne balalar oıyn alańdary qurylyp, dárethanalar ornatyldy.
Sonymen qatar, Terenkýrda jańadan oryndyqtar, shezlońtar jáne gúlzarlar isteldi. Sátbaev kóshesiniń tómengi jaǵy, gıdrotehnıkalyq qurylystyń mańy abattandyryldy. Barlyq sheshimder jergilikti turǵyndarmen jáne áleýmettik belsendilermen talqylanǵanyn atap ótken jón.
Kishi Almatynyń keıbir bólikterin qalpyna keltirý 2020 qolǵa alynǵan. Bas-aıaǵy, sý bólgishten bastap, Dostyq dańǵyly, onyń ishinde gıdrotehnıkalyq qurylystardan Maqataev kóshesine deıingi, uzyndyǵy 8,9 km ýchaskede jumystar júrgiziletin bolady.
Jumystyń kóp bóligi búgingi kúnge deıin jasaldy. Atap aıtqanda, yńǵaıly kópirler demontajdaldy jáne jaıaý júrginshiler ótkelderi uıymdastyryldy. Sonymen birge, ózen arnasy qoqystardan tazartylyp, gabıon qurylymdary jóndeldi.
