Almatynyń tanymal turǵyndary Nur-Sultan qalasyn jáne barsha qazaqstandyqtardy Astana kúnimen quttyqtaýda. Almaty qalalyq ardagerler keńesiniń tóraǵasy Aqan Bıjanov elimizdiń astanasyn kóshirýdegi tarıhı oqıǵanyń qalaı bolǵanyn aıtyp berdi.
A. Bıjanov almatylyqtar atynan Qazaqstannyń barsha azamattaryn merekemen quttyqtap, elimizdiń bas qalasyna qatysty oı-pikirimen bólisti.
"QR Tuńǵysh Prezıdenti Nursultan Nazarbaevtyń aıtýynsha, “Almaty – Táýelsizdiktiń altyn besigi". Kóptegen tarıhı sheshimder dál osy jerde qabyldandy. 6 shildedegi ataýly kún esimde. Biz joǵarǵy Keńes depýtattary jazǵy sesıanyń qorytyndy otyrysyna keldik. QR Prezıdenti óz sózinde geosaıasat, ekonomıka, sondaı-aq basqa da aspektiler turǵysynan astanany Aqmolaǵa kóshirýge sheshim qabyldady. Bul bárimiz úshin jańalyq boldy. Sol kezdegi depýtattyq korpýs kópshilikpen birge osy sheshimdi qabyldady. Ýaqyt óte kele bul sheshimniń durys ekenin kórsetti. Búginde Nur-Sultan – úlken ǵylymı-mádenı ortalyq ári bizdiń maqtanyshymyz. Astanamyz álemniń kóptegen astanalary arasynda sáýleti, atmosferasy jaǵynan erekshe. Men osy oqıǵanyń kýágeri retinde barshańyzdy Astana kúnimen quttyqtaǵym keledi", – dedi A.Bıjanov.