Joba memleket basshysy Q. Toqaevtyń aýtıstik spektrdegi múgedek balalarǵa arnalǵan mekemeler sanyn ulǵaıtý týraly tapsyrmasyna sáıkes Tuńǵysh Prezıdent N. Nazarbaev qorynyń "Qamqorlyq" jobasy aıasynda júzege asty.
Búgingi deıin Almatyda ıppoterapıa aqyly túrde qyzmet kórsetti. Bul biraz almatylyq úshin qoljetimsiz edi. Endi qalalyq búdjet esebinen jylyna 100-ge jýyq bala em alýǵa múmkindik aldy.
Tuńǵysh Prezıdent N. Nazarbaevtyń qory "Qamqorlyq" jobasy aıasynda memleket basshysy Q. Toqaevtyń aýtıstik spektrdegi múgedek balalarǵa arnalǵan mekemeler sanyn arttyrý týraly tapsyrmasyna sáıkes, sondaı-aq Nur Otan partıasynyń "Ózgerý joly: árkimge laıyqty ómir" saılaýaldy baǵdarlamasyn oryndaý úshin Almatyda "Ippoterapıa” men “At sporty" jobasynyń ashylýy ótti. İs-shara QR Táýelsizdiginiń 30 jyldyǵy men Astana kúnine arnaldy.
Joba psıhonevrologıalyq aýrýlary, aqyl-oı kemistigi, tirek-qımyl apparaty buzylǵan, sonyń ishinde BSP, Daýn sındromy, aýtızm spektri buzylǵan 18 jasqa deıingi múgedek balalardy qoldaý men emdeýge baǵyttalǵan.
Ippoterapıa ádisi alǵash ret 1992 jyly AQSH-ta amerıkandyq ıppoterapıa qaýymdastyǵynyń qurylýymen tuspa-tus keldi. Bul - biregeı ári jańashyl joba. Joba aıasynda múgedektigi bar balalardy aýrýdyń erte kezeńderinde sátti emdeýge bolady.
Jobany Paralympic Sports Association qoǵamdyq qory Almaty qalasynyń áleýmettik ál-aýqat basqarmasynyń qoldaýymen memlekettik áleýmettik tapsyrys aıasynda jergilikti búdjet esebinen júzege asyrýda.