Bul týraly Saýda jáne ıntegrasıa mınıstrliginiń Saýda komıtetiniń tóraǵasy Aıdar Ábildabekov jaýap berdi.
Saýda mınıstrligi Qazaqstanda qandaı azyq-túlik qymbattaýy múmkin ekenin aıtty, dep habarlaıdy Almaty-akshamy.kz
"Jalpy, kúrishten azdap qıynshylyqtar bolýy múmkin, biraq ony eshkim aıta almaıdy. Buǵan syrtqy naryq qatty áser etedi. Mysaly, Úndistan býǵa pisirilgen kúrishke tyıym saldy nemese Qytaıda sý tasqyny saldarynan, kúrish óndiretin keıbir aýmaqtar sý astynda qaldy. Syrtqy naryq Qazaqstan naryǵyna qatty áser etedi. Sondyqtan Qyzylordada barlyq óńirlik ÁKK jáne ákimdiktermen kúrish boıynsha jármeńkeler uıymdastyryp, kelisimshart jasadyq. "Azyq - túlik korporasıasy" AQ kúrish boıynsha úlken kelisimshart jasap, rezervte bolýy úshin satyp alýǵa qomaqty qarjy bóldi", - dep túsindirdi Ábildabekov.
Saýda komıteti tóraǵasynyń aıtýynsha, Qazaqstan óz ónimi esebinen de, ımport esebinen de qajetti ónimmen qamtamasyz etiledi.
"Basqa ónimderdiń de baǵasy aıtarlyqtaı qymbattaıdy dep aıta almaımyn. Naryq árqashan "oınap" turady. Biz fermerdiń qyzmetine aralasyp, ony arzanyraq satýǵa májbúrleı almaımyz", - dep qosty sheneýnik.