Eki er adam telefon satyp alamyn degen syltaýmen almatylyqtardy san soqtyrǵan.
Tártip saqshylarynyń aıtýynsha, 23 jastaǵy A.esimdi azamat pen onyń sybaılasy 29 jastaǵy azamat ınternetten telefondardy satý týraly jarnamany maqsatty túrde izdegen, dep habarlaıdy Almaty-akshamy.kz Polisia.kz-ke silteme jasap.
«Odan ári tizbek kelesideı boldy: olar satýshylarmen kezdesý týraly kelisip, kórsetilgen somaǵa aldyn ala jalǵan onlaın aýdarym týraly túbirtek daıyndap, satýshyǵa túbirtekti kórsetip, telefondy alyp, belgisiz baǵytqa jasyrynǵan. Taǵy bir jaǵdaıda qaskóıler jalǵan túbirtek daıyndap áýre bolmaýdy uıǵardy: olar satýshyny uryp, odan taýar men aqshany kúshtep tartyp aldy. Jedel izdestirý is-sharalary barysynda eki aıyptalýshy da ustaldy. Qazir olardyń kem degende eki qylmysqa qatystylyǵy anyqtaldy. Olarǵa qatysty qylmystyq is sotqa deıingi tergeýdiń biryńǵaı tizilimine tirkeldi. Ustalǵan adamdar óz kinásin moıyndady», – dedi Naýryzbaı aýdandyq polısıa basqarmasynyń bastyǵy Danıar Meńdebaev.
Jedel ýákilderdiń bir nusqasy boıynsha aldanǵan/tonalǵan adamdardyń kóbirek bolýy múmkin. Osyǵan baılanysty polıseıler olardyń bet-júzin jarıa etti jáne olardy tanyǵan jaǵdaıda myna telefon nómirlerine habarlasýlaryńyzdy suraıdy: 8-747-699-70-02; 254-44-62.