Mundaı statısıkany Almaty qalasy Ádilet departamentiniń basshysy Abaı Arap Óńirlik komýnıkasıalar qyzmetinde ótken brıfıńte aıtty.
Onyń aıtýynsha, alımentti óndirip alý áleýmettik mańyzdy sanatqa jatady jáne ol vedomstvonyń erekshe baqylaýynda.
Abaı Arap alıment degen bir adamnyń ony alýǵa quqyǵy bar ekinshi tulǵaǵa berýge mindetti aqshalaı nemese materıaldyq qamtamasyz etýi ekenin aıtty, dep habarlaıdy Almaty-akshamy.kz.
«Alıment óndirip alý týraly 14 myń atqarýshylyq istiń 60%-dan astamy merzimdi óndirip alýda, ıaǵnı sot oryndaýshylary "Atqarýshylyq is júrgizý jáne sot oryndaýshylarynyń mártebesi týraly" zańnyń 93-babynyń negizinde alıment boıynsha ustap qalýdy boryshkerdiń jalaqysynan júrgizedi», - dedi A.Arap.
Sondaı-aq, spıkerdiń aıtýynsha, boryshkerler alımentti óz betinshe tóleıtin atqarýshylyq is júrgizýler de bar.
Alaıda, sot sheshimderin, sonyń ishinde alıment boıynsha sheshimderdi oryndaý boryshkerdiń qolma-qol aqshasynyń bolmaýy, jaýapkerdiń turǵylyqty jerin belgilemeý, turaqty jumys ornynyń bolmaýy, óndirip alýǵa bolatyn múlik, t.b. máselelermen baılanysty. Alıment tóleýdi qamtamasyz etý úshin boryshkerlerdi jumysqa ornalastyrý qajet. Sondyqtan jumys istemeıtin boryshkerlerdi jumysqa ornalastyrý úshin Departament jumyspen qamtý ortalyǵymen birlesip ózara is-qımyl týraly memorandýmǵa qol qoıdy.
«2022 jyly alıment boıynsha boryshkerler úshin respýblıkalyq BAQ-tyń qatysýymen tórt bos oryndar jármeńkesi ótkizildi, oǵan 320 jumys ornyna ashyq bos jumys oryndary bar 15-ten astam iri kompanıa (mysaly, Forte Bank, Sulpak, Helios, Rams Qazaqstan jáne t.b.) shaqyryldy. Ártúrli baǵyttar boıynsha, sonyń ishinde býhgalter, ekonomıs, kúzetshi, júrgizýshi, qurylysshy jáne jalaqysy 150 000 teńgeden asatyn basqa da jumystar usynyldy. Jalpy, qala turǵyndaryn jumysqa ornalastyrý úshin shamamen 2,2 mlrd.teńge bólindi», - dep habarlady A.Arap.
Osy jumystyń qorytyndysy boıynsha 2022 jyly 83 boryshker jumysqa ornalastyryldy. Boryshkerlerdi jumysqa ornalastyrý jumystary azamattardy jeke qabyldaǵannan keıin de júrgiziledi.
Atqarýshylyq is júrgizý boıynsha azamat S.-dan azamat S.-nyń paıdasyna 1/3 bóligi mólsherinde kámeletke tolmaǵan balalardy asyrap-baǵýǵa alıment óndirip alý týraly boryshkerge 2,5 mln. teńgeden astam somada bereshek qalyptasty.
Jyljymaly jáne jyljymaıtyn múlik, AİJO AAJ derekqoryna sáıkes, boryshkerge tirkelmegen, aı saıynǵy tólemder aýdarylmaıdy jáne bereshek ótelmeıdi.
Osyǵan baılanysty, JSO halyqty jumyspen qamtý ortalyǵy arqyly boryshkerdi jumysqa ornalastyrý boıynsha sharalar qabyldandy. Odan ary sot oryndaýshysy alıment tólemderin óteý esebinen boryshkerdiń jalaqysynan óndirip alatyn bolady.
Sondaı-aq, atqarýshylyq is júrgizý boıynsha az.Sh.dan az.Sh.-nyń paıdasyna 1/3 bóligi mólsherinde kámeletke tolmaǵan balalardy asyrap-baǵýǵa alıment óndirip alý týraly boryshkerge 2 mln. teńgeden astam somada bereshek qalyptasty. Boryshkerdiń múlki men jumys orny bolmaýyna baılanysty boryshkerdi halyqty jumyspen qamtý ortalyǵy arqyly jumysqa ornalastyrý boıynsha sharalar qabyldandy.
Ádilet departamentiniń basshysy "Atqarýshylyq is júrgizý jáne sot oryndaýshylarynyń mártebesi týraly" zańda sot oryndaýshysynyń jáne sot aktisiniń talaptaryn oryndamaıtyn boryshkerlerdiń ákimshilik jáne qylmystyq jaýaptylyǵy kózdelgenin eske saldy.
2022 jyly Ádilet departamenti 141 boryshkerdi ákimshilik jaýapkershilikke tartty, 81 boryshkerge qatysty 5 táýlikke deıin ákimshilik qamaýǵa alý qoldanyldy. Alıment boıynsha 4 boryshker qylmystyq jaýapkershilikke tartyldy, sot oryndaýshylarynyń 4 usynysy anyqtaý organdarynyń qaraýyna joldandy.
Alıment óndirip alý boıynsha barlyq qabyldanyp jatqan sharalardy eskere otyryp, boryshkerler 50 mln. teńgeden astam bereshek tóledi, osylaısha departament sot aktilerin oryndaý jónindegi mindetterdi sheship, aldaǵy ýaqytta da isterdiń áleýmettik mańyzdy sanattaryn naqty oryndaý úshin jumys isteıtin bolady.
Bereshegi bar boryshkerdiń múlki bolǵan jaǵdaıda, sot oryndaýshylary olardy iske asyrý jóninde sharalar qabyldaıdy.
2022 jyly sot oryndaýshylary bereshekti óteý esebinen 3 jyljymaıtyn múlikti, 7 jyljymaly múlikti satty, sol arqyly 20 mln.teńgeden astam bereshek óteldi.
2022 jyly 50-den astam otbasy qaıta qosylyp, alıment tóleý máselesi joıyldy. Sonymen qatar, alıment óndirisin naqty oryndaý jáne boryshkerler men óndirip alýshylar arasynda ymyraǵa kelý úshin sot oryndaýshylary kóbinese medıatorlardyń kómegine júginedi. 2022 jyly 116 bitimgershilik kelisim jasaldy.