Turǵynnyń suraǵy:
Almatyda Jeńis kúnine baılanysty turǵynnyń suraǵy:
- Aldymyzda 9 mamyr. UOS-nyń ardagerleriniń qatary, ókinishke oraı, jyl saıyn azaıyp keledi. Ótken jyldary olarǵa materıaldyq kómek kórsetildi. Bileıin degenim, bıyl soǵys ardagerlerine kómek qarastyrylǵan ba? Ekinshi suraǵym - Aýǵan ardagerlerine de qandaı da bir kómek kórsetile me?
Almaty qalasynyń ákimi Erbolat Dosaevtyń jaýaby:
- 9 mamyr - bárimiz úshin qasıetti mereke. Iá, ókinishke oraı, bizdiń ardagerlerimiz jyl saıyn azaıyp keledi. Sońǵy málimetter boıynsha, Almatyda 58 ardager turady. Men olardyń barlyǵy óz merekelerin aman-esen qarsy alǵanyn qalaımyn jáne biz olardy quttyqtaýǵa múmkindik aldyq. Kómek týraly – qarajat qarastyrylǵan, biz árbir UOS ardagerine mıllıon teńgeden tóleýdi josparladyq. Erteń máslıhat otyrysy ótedi, men depýtattardan olarǵa 1,5 mln teńgeden tóleý úshin taǵy bes júz myń qosýdy suradym.
Aýǵan jaýyngerlerine, tyl eńbekkerlerine jáne basqalarǵa da materıaldyq kómek kórsetemiz. 9 mamyrda dástúrli túrde 28 gvardıashy-panfılovshylar atyndaǵy saıabaqta gúlshoqtary qoıylady, merekelik konsert bolady. Bizdiń ardagerlerge qalanyń barlyq aýdandarynda qurmet kórsetiledi.
Biz bul merekege erekshe daıyndalyp, úlken nazar aýdaramyz. Merekege ózi qatysa almaıtyn ardagerlerge jeke kóńil bólemiz – aýdan ákimderimen birge men ózim olardyń árqaısysyna baryp, Jeńis kúnimen jeke quttyqtaımyz.