Kóshelerdi tazartý isine 835 arnaıy tehnıka, onyń ishinde 255 sýarý mashınasy, 57 trotýar tazalaǵysh, 159 traktor, sondaı-aq 1433 jol jumysshysy jumyldyrylǵan.
Qazirgi kezde Almaty qalasynyń aýmaǵyn tazartý boıynsha aýqymdy jumystar júrgizilýde. Qala kósheleri, trotýarlar jýylýda, kópshilik paıdalanatyn jerler, aryqtar sanıtarlyq tazartýdan ótýde, dep habarlaıdy Almaty-akshamy.kz.
Qatty jaýyn-shashyn kezinde sýdyń kedergisiz aǵyp ketýin uıymdastyrý úshin aryqtar jáne joldyń qozǵalys bóliginiń astyndaǵy aryq ótkelderi tazartylýda. Jalpy, 1 161,7 km tazartyldy. 27 myń m3 qoqys pen laı syrtqa shyǵaryldy.
1 maýsymdaǵy jaǵdaı boıynsha, 43,7 km bolatyn jol boıyndaǵy shópter oryldy. Bul iske 124 shóp shabatyn jáne gazon oratyn tehnıka jumyldyryldy.
Sanıtarlyq tazartý jónindegi «Birge taza Qazaqstan» respýblıkalyq aksıasy aıasynda 2021 jylǵy 5 maýsymda Almaty qalasynyń barlyq segiz aýdanynda komýnaldyq merdigerlerdiń qatysýymen senbilik uıymdastyrylady, oǵan 80 tehnıka birligi, 370 adam jumyldyrylady. Osy aksıa aıasynda stıhıalyq qoqystar alynady, rekreasıalyq aımaqtar, bos jerler tazartylady.
Koronavırýs ınfeksıasynyń taralýynyń aldyn alý úshin, «Almaty tazalyq» MKK 8 sáýirden bastap 1933 qoǵamdyq kólik aıaldamalaryn, sondaı-aq jaıaý júrginshiler aımaqtary men trotýarlardy aptasyna 2 ret dezınfeksıalaýda. Kún saıyn 500 myń m2 trotýar men 50 myń m2-nan astam aıaldamany dezınfeksıalaý úshin shamamen 115 myń lıtr eritindi qoldanylady. Bul iske 29 tehnıka birligi, 20 dezınfeksıalaýshy jumyldyryldy.
Aýdan ákimdikteri kestege saı aptasyna eki ret saıabaqtardy, skverlerdi, jerasty jáne ústi júrginshi ótkelderin jáne halyq kóp jınalatyn oryndardy dezınfeksıalaıdy.
Zararsyzdandyrý jumystaryn kún saıyn 38 arnaıy tehnıka birligi jáne 96 dezınfeksıalaýshy júrgizedi.