Alatau audanyndaǵy Shyńqoja batyr kóshesíndegí su jınalǵan shūńqyr kúnnen-kúnge ūlǵaıyp keledí.
Almaty qalasy Alatau audanyndaǵy kóshege su qūbyrlary júrgízílíp, jol salynǵan, alaıda qūrylys jūmystary sapasyz bolyp shyqqan, dep habarlaıdy Almaty-akshamy.kz tílshísí.
Alatau audanyndaǵy Shyńqoja batyr kóshesíne 2019 jyldyń ayaǵynda su qūbyrlary júrgízílíp, jol salynǵan edí. Sol kezde kóshe tūrǵyndary jaǵdaıymyz jaqsaratyn boldy dep bórkín aspanǵa atyp quanǵan bolatyn. Alaıda tūrǵyndardyń būl quanyshy ūzaqqa barmady.
Ótken jyly álgí júrgízílgen qūbyrdan su ketíp, sol mańaı kádímgídeı kólshíkke aınalǵan. Salynǵan jol da ayaqsyz qaldy. Qūbyr jarylǵanda auyl tūrǵyndary dabyl qaǵyp, qūzyrly oryndarǵa habarlasyp ta kórgen. Alaıda kópshílíktíń ótíníshí álí kúnge deıín oryndalar emes. Jūmysty sapasyz júrgízgen merdíger kompanıyalardyń ústínen ákímshílíkke shaǵymdanǵanmen, eshteńe shyqpaı otyr. Búgínde su jınalǵan shūńqyr kúnnen-kúnge ūlǵaıyp keledí.
«It pen bala qoryǵan jerge ósh» demekshí, auyl balalary tura sol jerge baryp oınaıtyn boldy. Bírde bolmasa, bírde úńgíp aqqan sudyń ūńǵysy úlkeıíp, balalar suǵa túsíp kete me dep alańdap otyrmyz. Aıtyńyzdarshy, būl jūmystarǵa jauapty kím, kímge shaǵymdanamyz?», – deıdí auyl tūrǵyndary.