Almatyda orynsyz prank jasaǵan jastar jaýapkershilikke tartyldy, dep habarlaıdy aqshamnews.kz Polisia.kz-ke silteme jasap.
Áleýmettik jelide jas jigit pen qyzdyń qoqys tastap, tazalyqshy áıeldi dóreki túrde balaǵattap jatqan beıne tarady. Olar óz áreketterin keleke-mazaqpen súıemeldep, beıneniń sońynda munyń "prank" ekenin aıtyp, keshirim surap, jábirlenýshige aqsha beredi. Jarıalanym qalyń jurtshylyqtyń narazylyǵyn týdyrdy. Paıdalanýshylar mundaı kontentke narazylyǵyn bildirip, jumysshylardy qorlaýǵa jol berilmeıtinin atap ótti. Polısıa dereý jaýap berdi: qatysýshylardyń jeke basy anyqtaldy, materıaldar sotqa berildi. İs qaralǵan soń, jastar usaq buzaqylyq jasaǵany úshin ákimshilik jaýapkershilikke tartyldy. Er adam 10 táýlikke ákimshilik qamaýǵa alyndy.
"Eńbek adamyn qurmettemeý, ásirese demonstrasıalyq jáne qorlaý túrinde oryn alýy múmkin emes. "Prank" jaýapkershilikten bosatpaıdy. Zań bárine birdeı. Belsendi ustanymdary úshin alańdaýshylyq bildirgen azamattarǵa alǵys aıtamyz. Bul oqıǵa ádeptilik sheginen shyǵýǵa daıyn jandarǵa sabaq bolady dep senemiz", - dedi Almaty qalalyq polısıa departamentindegiler.