Sharaǵa 30-dan asa shahmatshy qatysty
QR Táýelsizdiginiń 30 jyldyǵy men Jeltoqsannyń 35 jyldyǵyna oraı Almaty qalasy Qoǵamdyq damý basqarmasynyń qoldaýymen Halyqaralyq «Janashyr» qory «Patrıottyq rýh - basty qundylyq» jobasy aıasynda sharalar keshenin jalǵastyrýda, dep habarlaıdy Almaty-akshamy.kz.
2021 jylǵy 10 jeltoqsanda qalalyq №4 kitaphanada «Azamattarǵa arnalǵan úkimet» MK Almaty qalasy fılıaly qyzmetkerleri arasynda shahmat, doıby oıyndarynan týrnır ótti.
Maqsaty - Jeltoqsan mańyzyn jas urpaqqa uǵyndyra otyryp, patrıottyqqa, salaýatty ómir saltyna úndeý, buqaralyq tárbıelik is sharalarǵa qala jastaryn tartý, urpaqtar sabaqtastyǵyn qalyptastyrý.
Sharaǵa fılıaldyń 30-dan asa shahmatshysy qatysyp, saıysqa tústi.
Nátıjesinde jigitter arasynda birinshi oryndy Túrksib aýdandyq HQO bóliminiń mamany Jaqsylyq Shynybekov, ekinshi oryndy Bostandyq aýdandyq HQO bóliminiń mamany Oljas Zeınýlanov, úshinshi oryndy №1 Mamandandyrylǵan HQO bóliminiń mamany Baqytbek Erboluly men Jer kadastry basqarmasynyń mamany Ramazan Mustafauly ózara bólisti.
Qyzdar arasyndaǵy shahmat oıynynda Naýryzbaı aýdandyq HQO bóliminiń mamany Baqtygúl Báıtenova jeńimpaz atansa, ekinshi oryndy Jer kadastry basqarmasynyń mamany Lázzat Appaqova, úshinshi oryndy №1 Mamandandyrylǵan HQO bóliminiń mamany Darıǵa Jumalıeva men Medeý aýdandyq HQO bóliminiń mamany Ásem Tólekova ıelendi.
Doıby oıyny boıynsha Naýryzbaı aýdandyq HQO bóliminiń mamany Baqtygúl Báıtenova, ekinshi oryndy Alataý aýdandyq №2 HQO bóliminiń mamany Jeńis Sábıt, úshinshi orynǵa Medeý aýdandyq HQO mamany Raýan Doǵdyrbek jáne Alataý aýdandyq №2 HQO bóliminiń mamany Ilás Abıldaevtar ıe boldy.
Munan basqa, týrnırge fılıaldyń Muraǵat basqarmasynyń, №1 Alataý aýdandyq HQO bólimi, Almaly aýdandyq HQO bóliminiń jáne Kóshi-qon qyzmetteri ortalyǵynyń mamandary qatysty.
Týrnırge Jer kadastry bóliminiń mamany Ábeýstanov Maqsat tórelik etti.
Týrnırdiń barlyq jeńimpazdary men qatysýshylary «Azamattarǵa arnalǵan úkimet» MK Almaty fılıaly dırektorynyń, Almaty qalasy Ákimdigi Qoǵamdyq damý basqarmasy basshysynyń jáne Halyqaralyq «Janashyr» qory prezıdentiniń Dıplomdarymen jáne baǵaly syılyqtarmen marapattaldy.
Marapattaý rásimine atalmysh uıymdardyń basshylary men jeltoqsanshylar qatysty.