Álem jańalyqtary
Fransıanyń premer-mınıstr Jan Kasteks elde covid-19 pandemıasynyń besinshi tolqyny júrip jatqanyn málimdedi, dep habarlaıdy Almaty-akshamy.kz.
Al, eldiń Densaýlyq saqtaý mınıstrligi aýrýhanaǵa jatqyzylǵandardyń sany osy aptanyń sońynda jyldam qarqynmen ósip jatqanyn málimdedi. COVID-19 pasıentteriniń kúndelikti ósý kórsetkishi 61 340 qurady jáne bul jańa antırekord.
Qazirgi ýaqytta Fransıada 52 189 810 adam nemese halyqtyń 77,3% - y vaksınanyń birinshi komponentimen egildi, ımmýndaýdyń tolyq kýrsynan ótkender sany 47 742 082, bul turǵyndardyń 70,7 %. Revaksınasıa aıasynda 11 529 364 ekpe jasaldy.
Al, kórshi Reseı Federasıasynyń 85 aımaǵynda koronavırýs ınfeksıasyn juqtyrýdyń ondaǵan myń jaǵdaıy anyqtaldy. Ótken táýlikte 30 288 adamda ınfeksıa rastaldy.
«Juqtyrǵandardyń 8% - ynda aýrýdyń klınıkalyq belgileri baıqalǵan joq. Aýrý saldarynan 1 171 naýqas kóz jumdy», - delingen ınfeksıamen kúres jónindegi jedel shtabtyń habarlamasynda.
Jańa jaǵdaılardyń eń kóp sany Máskeýde anyqtaldy – 3 140, Sankt-Peterbýrgte – 2 045 jáne Máskeý oblysynda – 1 833. Jalpy, pandemıa bastalǵannan beri Reseıde COVID-19 juqtyrýdyń 9 986 967 faktisi tirkeldi.