Tilsiz jaý sóndirildi.
5 qyrkúıekte 16 saǵat: 05 mınýtta órt sóndirýshiler Dýman shaǵyn aýdany Aman bokter kóshesindegi 46-úıdiń baǵytyna qaraı jiberildi. Kelgen boıda eki taýdyń baýraıynda qýraǵan shóptiń órtengenin anyqtady, dep habarlaıdy Almaty-akshamy.kz.
Almaty qalasy TJD baspasóz qyzmetiniń málimetinshe, oqıǵa ornyna dereý Tótenshe jaǵdaılar departamenti quramyndaǵy tabıǵı órtterdi sóndirý jıyntyq jasaǵynan 38 adam, 8 birlik tehnıka jáne Almaty oblysy TJD-dan 7 adam, 2 birlik tehnıka jumyldyrylǵan.
Eki janý oshaǵy (1 Ga jáne 1,5 Ga) oryn aldy. Soltústik aýmaǵynda rezeńke jabyndylar ornalasqan jeke turǵyn úı sektoryna órttiń ótý qaýpi týyndady, olardy qorǵaýǵa órt oqpandary jiberildi. Órtti sóndirý jumystary betkeılerdegi bıiktiktiń ózgerýimen, joǵary temperatýramen kúrdelendi. Órt sóndirý úshin «Ermak» aspaly órt sóndirgishter, shansty quraldar (shartyldaqtar, kúrekter) qoldanyldy. Saǵat 17:06-da qala tarapynan oqshaýlaýǵa qol jetkizildi.
«Taýly-ormandy jerlerde órt qaýpiniń joǵary bolýyna baılanysty qala turǵyndary men qonaqtaryn ashyq otty paıdalanýdan, ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraımyz», -deıdi Almaty qalasy TJD.
Aýyr zardaptar týyndaǵan jaǵdaıda kináli adamdar qylmystyq jaýapkershilikke tartylýy múmkin ekendigin de jetkizdi.