Bul «áıelder» tobyn Talıban patrúlderi birneshe ret toqtatqan.
SAS bólimshesindegi brıtandyq arnaıy jasaq áıelder kıimin kıip alyp, Aýǵanstannan qashqan. Nátıjesinde olar kóptegen elde (sonyń ishinde Qazaqstanda) tyıym salynǵan «Talıban» qozǵalysynyń sodyrlaryn aldap soqqan, dep habarlaıdy Almaty-akshamy.kz REN.TV-ge silteme jasap.
Brıtandyq elıtalyq arnaıy kúshterdiń 20-ǵa jýyq jaýyngeri Aýǵanstannyń ońtústiginde qıyn jaǵdaıda qalǵan. Brıtandyq Qorǵanys mınıstrligi olardy ne ushaqpen, ne tikushaqpen alyp kete almapty, sondyqtan áskerıler Kabýlǵa óz betterinshe jetýge bel býǵan.
Tálipter basyp alǵan Kabýl arqyly Hamıd Karzaı áýejaıyna jetý olarǵa qıynǵa soqqan.
Qaýipten saqtanǵan brıtandyqtar áıeldershe kıinýge májbúr bolyp, sharıǵat zańdaryn ustanatyn aýǵan áıelderin muhıat beıneleýge tyrysqan. Qashýǵa bel býǵan barlyq qatysýshylar betterin paranjamen jaýyp alypty. Arnaıy jasaq áskerı jabdyqtardyń kóp bóligin tastaýǵa májbúr bolyp, olar ózderine tek qarý-jaraq pen oq-dárilerdi qaldyrǵan.
«Áıelder» tobyn birneshe ret Talıban patrúlderi toqtatypty, biraq sodyrlar kúdikti eshteńe baıqamaǵan. Nátıjesinde brıtandyq arnaıy jasaq áýejaıǵa jetip alǵan.