Iýbenk pen Golovkın 2016 jyly kezdesýi kerek edi.
Orta salmaqta WBA belbeýiniń ýaqytsha chempıony Krıs Iýbenk (30-2, 22 KO) osy salmaqta IBF jáne IBO belbeýleriniń ıegeri qazaqstandyq Gennadıı Golovkınmen (41-1-1, 36 KO) qashan kezdesý ótkizetinin aıtty, Almaty-akshamy.kz Aikyn.kz-ke silteme jasap.
Osyǵan deıin brıtandyq boksshy Golovkınniń komandasy jekpe-jek ótkizýge nıet bildirgeni týraly habarlaǵan bolatyn. Iýbenktiń aıtýynsha, ol Golovkınmen burynnan beri kezdesýdi oılastyryp júrgen.
«Men burynnan beri Golovkındi oılap júrmin. Meniń oıymsha jankúıerler bizdiń kezdesýdi asyǵa kútip júr. Ol (Golovkın red. túsindirmesi) kelesi kezdesýin Rıoto Mýrataǵa qarsy ótkizedi. Sol úshin bizdiń kezdesýimiz bıyl ótpeıtin shyǵar. Bizdiń aıqas segiz ne toǵyz aıdan keıin ótedi dep oılaımyn. Osy kezdesýdi uıymdastyrý úshin barlyǵyn isteımiz. WBA belbeýiniń ýaqytsha chempıony retinde Golovkınniń birinshi qarsylasy men bolýym kerek. Sondyqtan men daıyn bolýym kerek», – dep keltiredi Iýbenktiń sózin Boxingscene.com portaly.
Aıta keteıik, Iýbenk pen Golovkın 2016 jyly kezdesýi kerek edi. Biraq ol kezde brıtandyq boksshy jekpe-jekten bas tartty.
Golovkın jeltoqsannyń sońynda orta salmaqta WBA uıymynyń «sýperchempıony» Rıoto Mýratamen (16-2, 13 KO) kezdesý ótkizýi kerek.