Almatyda "Qaýipsiz jol" jáne "Jasóspirim" respýblıkalyq jedel-profılaktıkalyq is-sharalary aıasynda biriktirilgen polısıa jasaqtarynyń biryńǵaı saptúzeýi ótti.
Sharaǵa Almaty qalalyq polısıa departamentiniń bastyǵy Arystanǵanı Zapparovtyń ózi basshylyq etti, dep habarlaıdy aqshamnews.kz.
Jıyn barysynda Memleket basshysynyń "Zań jáne Tártip" qaǵıdaty jáne ishki ister mınıstri jarıalaǵan Profılaktıka jyly aıasyndaǵy negizgi mindetter jeke quramǵa eske salyndy. Ásirese jol-kólik oqıǵalarynyń aldyn alý, jasóspirimder arasyndaǵy quqyq buzýshylyqty boldyrmaý jáne qoǵamdyq qaýipsizdikti kúsheıtý máselelerine erekshe kóńil bólindi.
— Almaty polısıasy Memleket basshysy belgilegen basym baǵyttardy basshylyqqa ala otyryp, jumys isteıdi. Zań men tártip – bizdiń qyzmetimizdiń irgetasy. Árbir tártip saqshysy azamattardyń qaýipsizdigine tikeleı jaýapty. Óz boryshyn adal atqaryp júrgen qyzmetkerlerge alǵysymdy bildiremin, — dedi PD bastyǵy Arystanǵanı Zapparov.
Saptúzeý kezinde qoǵamdyq tártipti kún saıyn qamtamasyz etip júrgen patrúldik polısıa men ózge de qurylymdardyń úzdik qyzmetkerleri arnaıy marapattaldy. Táýlik boıy turǵyndardyń tynyshtyǵyn kúzetetin tártip saqshylarynyń bul jıyny — ishki ister organdary júrgizip otyrǵan keshendi profılaktıkalyq jumystyń mańyzdy bóligine aınaldy. Sonymen qatar bul — polısıanyń birligi men el aldyndaǵy jaýapkershiligine degen daıyndyqtyń kórinisi.