Qalanyń turǵyn úı-kommýnaldy sharýashylyǵynan bastap, ekologıa men qoǵamdyq qaýipsizdikke deıingi máselelerin qamtyǵan qalalyq qoǵamdyq keńestiń №1 komısıasy óz jumysyn qorytyndylady, dep habarlaıdy aqshamnews.kz.
Óńirlik komýnıkasıalar qyzmetinde ótken baspasóz máslıhatynda №1 komısıa tóraǵasynyń orynbasary Aıgúl Shópshekbaeva osylaı dep habarlady.
Onyń aıtýynsha, komısıa 24 otyrys ótkizip, onda aýdan ákimdigi, qala basqarmasy, polısıa departamenti men tótenshe jaǵdaılar departamenti ókilderiniń esebi tyńdalǵan. Sonyń nátıjesinde almatylyqtardyń ómir sapasyn, qalanyń ınfraqurylymyn jaqsartýǵa baǵyttalǵan 240 usynys jasaldy.
«Komısıa memleket pen azamattyq qoǵamnyń arasynda baılanys ornatatyn tıimdi alań ekenin dáleldep otyr. Biz bar máseleni nazarǵa alyp qana qoımaı, onyń sheshýdiń naqty jolyn usynamyz»,- dep atap ótti Aıgúl Shópshekbaeva.
Spıkerdiń aıtýynsha, Almatydaǵy sybaılas jemqorlyqqa qarsy is-qımyl departamentimen júıeli túrde jumys isteýge kóp kóńil bólingen. TKQ, kólik pen ekologıa salasyndaǵy jemqorlyqty joıýdy kózdeıtin is-sharalardyń jospary jasalǵan. Sonyń biri – usynystyń oryndalý barysyn qadaǵalap, oqytyp, sıfrlyq sheshimderdi óndiriske engizý.
«Biz bılik organdarynyń ashyq bolǵanyn, esep berip otyrǵanyn qalaımyz. Sıfrly quraldar, karta jasap, aryz-ótinishke arnap QR-kodtar engizip jatqanymyz sodan. Halyq osynyń arqasynda aqparatty tikesinen alyp, qoǵamdyq baqylaý da kúsheıedi»,- dedi.
Sonymen birge, komısıa turǵyndarmen, eksperttermen, komplaens-ofıserlermen, uıymdarmen jumys isteýge kóńil bólip otyr. 200-den astam is-shara ótip, turǵyndar men ártúrli uıymdardyń 70 aryz-shaǵymy qaralǵan. Onyń 52-si sheshimin taýyp, qalǵanyna túsinikteme berilgen.