Almaty qalasy boıynsha QAJ departamentiniń №13 mekemesindegi sottalǵandar tanymal qazaqstandyq dzúdoshy, 2008 jylǵy Olımpıada oıyndarynyń kúmis júldegeri Asqat Jitkeevpen kezdesti, dep habarlaıdy aqshamnewa.kz Polisia.kz-ke silteme jasap.
Sottalǵandar arasynda salaýatty ómir saltyn nasıhattaý maqsatynda uıymdastyrylǵan kezdesýde Qazaqstan Respýblıkasynyń eńbek sińirgen sport jattyqtyrýshysy A.Jitkeev sottalǵandarǵa sporttyń adam ómirinde alatyn mańyzyna, onyń densaýlyqqa tıgizetin paıdasy jaıly áńgimeledi.
Sonymen qatar A.Jitkeev deni saý adamnyń eńbekke degen qulshynysy da zor bolatynyn basa aıtyp, óziniń sporttyq ómirinen mazmundy mysaldar keltirdi. Sottalǵandar da sportshyǵa túrli saýaldar qoıyp, ózderiniń sportqa degen qyzyǵýshylyqtaryn tanytty. Kezdesý barysynda A.Jitkeev jazalylardyń balalarǵa qatysty sporttyq baǵdarlamalar týraly suraqtaryna jaýap berdi jáne sottalǵandar bolashaqta sportpen aınalysýǵa degen nıetterin jetkizdi.