Dúnıejúzilik densaýlyq saqtaý uıymy pandemıaǵa sebep bolǵan tájdi tajal juqpaly indetinen qansha adamnyń qaıtys bolǵany jónindegi deregin jarıalady.
Dáliregi, DDU jetekshisi Adhan Gebreıesýs COVID-19 vırýsynan kúlli álem boıynsha jeti mln-nan asa adamnyń qaıtys bolǵanyn málimdedi. Bul jaıynda islam.kz portaly atalǵan halyqaralyq uıym keltirgen málimetke silteme jasaı otyryp málim etedi.
Dese de DDU basshysy juqpaly indetten qaza tapqandar sany bul kórsetkishten úsh ese kóp bolýy múmkin ekenin de eskertti. Osy oraıda koronovırýstyń jabaıy janýardan adamǵa juqqanyn nemese zerthanadan taraǵanyn ǵalymdar áli kúnge deıin anyqtap, naqty bir toqtamǵa kele almaǵanyn aıta ketken jón.